مهندس عبدالرحمن فهمى يكتب.. بدلة الفرح

حتى فى فرحنا البدلة كحلى
بس لون الكرافتة حمرا
وكأنها هى اللى هاتفرح
والبدله على جتتنا زعلانه
مالك يابدلة؟ شايله ومشيلانة الهم!!
فكيها حبه بكرة الجراح تتلم
إيه يعنى شبكه بكام ألف جنيه
ولا مهر يزيد عنهم
طب يعنى أبوها هايعمل بذمتك إيه
ولسه ولسه!
شقه فى العبور بمتين ألف
وسجاد وستاير يلف الشقه لف
وأجهزة سوبر وغسالة لهلوبة
كله عشان عيون ست البنات زوبة
وأبوها لسه مكشر
مالك ياعمى شايفك كده بتنفر
بنتى لازمها الدش بموتور
ماشى ياعمى ورينى كدة بتاعكو
عشان أجيبلها زيه
لأيابنى ماجبناش
كفايه جواز البت وهانعزم الأوباش
كويس يابدلتى انك لسة كده كحلى
دا لو غيرك
كان سوادها سواد ليل غطيس شتوى
بدله وجيوبها فاضية
أصل العريس هزموه
مرة بالنقط و مرة بالقاضية