فاكر لم العيلة وكل إخواتك عالطبلية
وكل إيدينا رايحة وجاية بلقمة هنية
وست الحاجة تدى لبويا حتة كبيرة
وحتة لعبده جوه اللقمة وحتة لزينب وأختى بهية
لم يا واد رجلك حبة هو أنت لوحدك عالطبلية
وتزغزغنى أختى التالتة واضحك جامد من رجليا
وفوسط الأكل أبويا يسأل أخويا وكل إخواتى
مين فيكم خلص طبقة أوعوا واحد ينسى التسمية
لجل البركة تحل عليكوا ويبعد عنكم أى شيطان أوجنيه
وساعة العصر أشوفك ياما
إيما وسيما فشرت جامبك الباريسية
وألاقى أبويا ف البلكونة وجنبه الحاجة
وسبرتايه فوقها الكنكه وريحة البن تصحصح فيا
ممكن يابا أروح لصحابى نلعب حبة ونتمشى شويه
وأختى تنادى هاتلى معاك لب مشكل والعسلية
ولو مالقتش هاتلى حرنكش ودومة طرية
وساعة المغرب ينده أبويا أوعى يا عبده
تنسى تصلى ف زاوية حمزة عالناصية الجاية
فين دلوقتى اللمة.. اللمة الحلوة.. والطبلية
مشاركة
اضف تعليقاً واقرأ تعليقات القراء
مشاركة
