فيسبوك
واتساب
افرحوا ياولاد بلدنـــــــــــــــــا
النهارده يبقى عيدنــــــــــا
الشوارع رايقة خالـــــــــــص
والولاد رايحـــة المدارس
والحياه مية فل وأكتـــــــــــــر
والجناين لونهـــــــا أخضر
والحاجات ف السوق رخيصة
لحمة وكنافة وهريســـــة
والهدوم الله عليهــــــــــا
خد وماتقلبش فيهــــــــا
حاجه أحسن من أوروبــــــــا
والحسود له ألف كبـــــــة
والسلوك الاجتماعـــــــــى
حاجه بتوقف دمـــــاغى
الشباب ماشيين ف حالــــــهم
والتحرش مش جمــاعى
الأدب ماتقلش قطــــــة
والكلام من غيـــر زغطة!
مستحيل تسمع شتيمــــــــة
أوتفوت جنبك بهيمــــــــة
والجيران دايما لجارهــــــــــا
مستحيل تسمع نميمـــــــة
النضافه ميه ميــــــــة
والنظام إدمان وغيــــــة
ماتلاقيش أطفال شـــــوارع
أو مريض للموت يصـارع
أوفقير مش لاقى ياكــــــــل
والغفير بالبندقيـــــــــــه
كل حاجه شيك وراقيـــــة
يمكن أحسن من مراقيـــة
والنعم بانت علينــــــــــــا
والفلوس ف إيدينا باقيـــة
نفسى اقابل حد عاطـــــــــل
أو أشوف واحد يمــــــاطل
الحياة وردية فعــــــــلا
لما يبقى الحق بـــــاطل
