صوت الجمهور

◄ الشاب محمد خليل من إمبابة: «الأهلى محتاج تغيير» أنا شايف إن الأهلى عايز لاعيبة جديدة ولازم جوزية يمشى عشان يبقى فيه فكر جديد، ولازم الكل يقف ورا المنتخب الفترة اللى جاية وبقول لحسن شحاتة انك هتفوز على الجزائر عشان حلمنا يتحقق.

◄ الطفلة ندى عوض الله حسين سبع سنوات من أكتوبر: «الأهلى هو بطل الدورى».
الأهلى بطل الدورى عشان هو أقوى فريق فى مصر ومهما خسر ماتشات برضه هياخد الدورى، وأبوتريكة أحسن لاعب فى مصر وكل مصر بتحبه لانه محترم وأنا بحبه جداً.

◄ عبد الفتاح الشرقاوى من عين شمس: «لاعيبة المنتخب هما السبب» اللى حصل لمنتخبنا فى مباراة زامبيا سببه اللاعيبه عشان هما معندهمش روح فى الملعب ولا تركيز كل واحد بيفكر فى السماسرة الاجانب اللى جايين يشوفوهم، وكان لازم حسن شحاتة يسيطر عليهم أكتر من كده زى ما حصل فى غانا ويارب نوصل كاس العالم ده حلم كل مصر.