فى استطلاع عشوائى حول أسباب الحادث: الغضب عامل مشترك.. والصلاة ملاذ آمن

الغضب كان العامل المشترك بين إجابات عدد من المواطنين شملهم استطلاع أجرته «اليوم السابع» بشكل عشوائى إسلام فؤاد 29 سنة: «فيه حرامية فوق وناس منداسة تحت وماحدش واخد حقه من الحكومة، اللى بيقدروا يعملوه انهم يصلوا. «رضا محمد 24 سنة»: زوجى بيشتغل عامل باليومية والأسعار بتغلى والواحد مش لاقى ياكل ولا لاقى يتعالج. «الناس كلها مضغوطة بدليل ان كل اللى ماشى فى الشارع بيتخانق» قالتها سحر 19 سنة طالبة. أحمد عبدالعظيم 54 سنة مفتش فى هيئة السكة الحديد قال: «الواحد مخنوق لكن هنعمل إيه.

محمود الشيخ 32 سنة محاسب قانونى: مافيش قدامنا غير المظاهرات وهى أسلوب مش صحيح ولو خرجنا فيها هنتئذى وولادنا هايتبهدلوا، يبقى نسكت ونصبر». ويقول إسحاق إبراهيم الجمل محامى على المعاش ويسكن بمدينة عين شمس «الاكتئاب والاختناق حالة عامة عند الشعب المصرى والمشكلة انها عند الشباب بنسبة أكبر لذا على الشعب أن يعبر عن غضبه بأسلوب حضارى من غير تخريب ويطالب الدولة بتنفيذ ما وعد به الرئيس فى برنامجه الانتخابى».