حليت كردانى..
ورميت الطرحة ورا ظهرى
خدته فى حجرى
ملست عليه بشفايف قهرى..
ولدى..
وليدى..
لسه ما لكشى على وش الدنيا يومين..
العتمه رموش مش سهيانة
والجانى واخد ع العتمه بعيون خوانه
غطيته بشىء.. شىء معرفش إيه كونه
حلماتى رغم العتمه شايفه شفايفه
انجغه..
اضحك..
والدك راجلى..
فجرى.. مراجلى
على وش العتمه أهه عدى
شايفاه
شايفاه
وانت فى إيديه سنكى فى صدر الأعدا..
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة