فى عروق الأرض ساير
دم سايل
من جذور المجروحين
تحت سطح الأرض كان
قلب آمن من سنين
يا سنين درب المواجع
يا ليالى المسجونين
بذرة الشهدا يا نبته
لسة صابرة ولسة ساكتة
لسة باقية فى أرض ثابتة
اسمها غزة العفية
فى عروق الأرض ثاير
كل حلم وكل نية
فى عروق الأرض جارى
دم خالى من الخطية
اسمها غزة المغازل
سد شايك سلك عازل
فجر بالمواويل يغازل
ضى باقى فى العنين
غزة يا طوف الغلابة
فى زمن آسى ولعين
فى زمن هز الهوانم
والجيوب المنفخوين
غزة يا قبلة وكعبة
جوه قلب المخلصين
فى عروق الأرض ساير
دم سايل
من جذور المجروحين
* مصرى مقيم بالبرازيل
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة