عمرى كله 19 سنة .. عشتها كلها ولا كأنها سنة .. الساعة تجرى والعمر ماشى .. وأنا حاسس إنى صغير زى ما أنا.
ليلة ميلادك كان يوم عيد .. ابتسمت فيه الدنيا والعالم كان كله سعيد .. قبلك فى الدنيا دى كنت عايش أنا لوحدى .. بس لما جييت بدأت فى حياتى عمر جديد.
أمرك غريب يا عقلى ..ساعات تبقى معفرت و على حيطان دماغى بتتشعلقلى .. وساعات كتيير هادى و راسى .. و كتير سرحان ناقص تطلع وفى عينيا تبحلقلي.
قالوا عنى الفيلسوف .. و قالوا برضوا الحبيب الملهوف .. كل ده مهمنيش .. أصلى عارف انى واحد عادى لاسع فى دماغو مهفوف.
الحب كلمة جميلة لو تنقرا .. احباب كتير اتلاقوا و كتبوها على الثرى .. و كتير اتلاقوا و افترقوا .. أصلهم فهموا أن الحب دبدوب و هدية صغيرة.
اختار صديقك قبل الطريق قالولى .. اصل الصحاب اما قزاز او لولى .. منهم بينكسر من اول ما يتلبس .. و منهم مهما يدور عليهم الزمن يبقى بريقه فى عتمتى نور.
سألت حياتنا صعبة ليه يا ترى .. قالولى تبقى أعمى لو مكنتش ترى .. القمح مسرطن و الدم فاسد .. ده حتى فيه انفلونزا طيور وتانية مخنزرة.
مشاركة
اضف تعليقاً واقرأ تعليقات القراء
مشاركة
