مالك يا قلبى كده ملهوف
مش على بعضك
لونك مخطوف
سرحان تايه بتدور على حاجة
عينك فيها دمعة
ومش راضية بـ ولا حاجة
اجمد كدة أمال
هى الدموع طبع الرجال؟!
إيه يعنى غابت يومين
خلاص مش قادر ع البعد
ودايخ م الحنين
يخرب بيت القلق إللى انت فيه
مالك يا جدع بتعيط ليه
حالاً دلوقتى ترجع
وبلقاها تانى تفرح
حبيبتك رقيقة قوى
عمرها صدقنى ما تجرح
وبتحبك أكتر منك
ولا ناسى إنها قالت قبل منك
قالت الكلمة إللى أنت دايب فيها
وعامل ناصح قال ومخبيها
قالت عاوزاك
قالت بحبك
وعشانك سهرت الليل
احفظ قصايد شعرك
قالت كمان بحبك مووووت
فى عز ما كنت دايب م الكسوف
آه كنت عاشق
بس ما حدش سمع لك صوت
كنت خايف مدارى فى السكوت
هى إللى نادت
هى إللى قالت
وصحيح يومين غابت
بس أنت عارف إيه الظروف
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة