وبتدور الحياة بينا سفينة سايرة فى بحورها
ولا بترسى على مرسى ولا بترسى على مينا
يوم تلاقيها تضحك لك ويوم تحزن غناويها
وشوفنا من بعيد مرسى فرحنا وقولنا راح نرسى
شوفنا زهور وورد وفل وشمس بكرة جاية تطل
ولكن النهار عدى وجه ليله مالوش قمرة ولا نجمة
قولنا ياللا قوموا بينا لا ده مرسى ولا مينا
و لما ركبنا فى المركب
شالنا الموج بحنيه
وقال طب اصبروا شوية
مسير المركبة ترسى
على الشط اللى فى النية...
وعدى الليل وهل الفجر
ومعاه الأمل طالل
شاورلى وقال تعالى جبت لك وردة
مادد ايدى ومش طايل
فرحت وقومت قال اجرى
اتارى المركبة فى البحر
وأنا ناسية وراح فكرى
ولما المركبة رسيت
لقيتك كنت مستنى
معاك وردة وبسمة جميلة فى عيونك
أخدت الوردة من إيدك وحطتها على الفستان
وشيلتك انت فى الننى
ونيمتك بكل حنان
وغطيتك برمش عيونى
وبدعيلك بكل ايمان
ما هو انت اللى فى النية
وساكن جوه قلبى كمان
مشاركة
اضف تعليقاً واقرأ تعليقات القراء
مشاركة
