فيسبوك
واتساب
جواية زنزانة.. جواكى زنزانة
وتتساوى عيدان القمح بالدانة
يا دمعتى يا عطشانة
مراكب قلبى جواكى بتتحمل
وشقيانة
وأنا صابر ورا الأحلام
أنا صابر وأنا فاكر حنين
الضى بيسافر
بنات الشمس بتزهر
على خدك عبير الورد
بيتمرجح
على قدك
ومين قدى ومين قدك
والحلم سابح فى هوانا
جواية زنزانة وجواكى زنزانة
يا عمود الضلمة يا قايد على بابى
شموس فى العتمة بتنور لاحبابى
وانا العتمة بتخطفنى
فأتوه وأصبح يا دوب نسمة
والحلم يجى يحلفنى
ألقانى بقيت بسمة مع إن الفرح ويانا
وسنين الجرح نسيانا
جواية زنزانة
وجواكى زنزانة.
