مصطفى بكرى يتهم غالى بالإساءة للمصريين

تقدم النائب مصطفى بكرى عضو مجلس الشعب بطلب إحاطة عاجل إلى الدكتور فتحى سرور رئيس مجلس الشعب، حول تصريحات بطرس غالى وزير المالية لقناة المحور، والتى اعتبرها إساءة للشعب المصرى، حيث قال غالى فى حديثه عن قانون الضرائب العقارية البيت اللى فاتح بحرى غير البيت اللى فاتح قبلى والبيت اللى بالرخام غير البيت اللى بالطوب اللبن أو الأحمر والبيت اللى فيه حمامين غير اللى فيه حمام واحد، وعندما سأله معتز الدمرداش "وانتو هاتعرفوا ازاى؟"، قال غالى من خلال ماسورة الصرف اللى نازله من الشقة إن كانت واحده يبقى حمام واحد وإن كانت اثنين يبقى حمامين، واللى مش هايسجل عدد الحمامات يبقى يعملها فى "القصرية".

كما طالب بكرى بمساءلة غالى عن عدم مد مهلة تقديم الإقرارات لشهرين قادمين حتى يتسنى لأصحاب العقارات تقديم إقراراتهم، خاصة أن نحو 27.5 مليون مواطن لم يقدموا إقراراتهم بسب نقص جهات استقبال الطلبات، وبالتالى تفرض عليهم غرامات من 200 إلى 2000 جنيه.