هل تعرف البرادعى.. عندك فكرة إنه مطلوب للترشيح للرئاسة؟

معاذ على عبدالفتاح - «طالب كلية تجارة القاهرة»
لا بصراحة معرفهوش، بس سمعت فى التليفزيون إن فى واحد فى أمريكا يريد الترشح للرئاسة، بس معنديش أى فكرة هل هو البرادعى ولّا واحد تانى.

أنور حسن أنور - «موظف قطاع خاص»
لا..لأنى مبهتمش غير بأخبار الرياضة بس، أما اللى عاوز يكون رئيس دولة، وهو بيعيش فى دولة أخرى والشعب مشافهوش أساسا قبل كده، فده كلام غير معقول.

حسن محمد حسين - «محاسب»
نعم.. ولكن مش قوى، لأن عمرى ما رأيته فى مصر، ولم أسمع من أحد إن البرادعى يرغب فى خوض الانتخابات الرئاسية القادمة... بس ياريت ينجح حتى يخلى البلد تتقدم.

عادل أحمد السيد - «ميكانيكى سيارات»
نعم.. الاسم ده سمعت عنه قبل كده، ولكن لو شفته مش هاعرفه، بس إزاى فى واحد فى مصر يقدر يرشح نفسه أمام الرئيس اللى كده كسبان وكده كسبان.