مش هقول إحنا مين
إحنا إحنا المصريين
الاسم فى الحكم انضرب
والفعل مش شعر وطرب
ولا حتى درب من الغرور
دا أنا قلبى لما يوم يثور
حقى لا يمكن يغُتصب
مش هقول إيه إللى كان
لإن لسه لينا جى
وأدى التاريخ أدى الزمان
وأدى قلب مصر بنبضه حى
خدو السما
خدو النجوم
خدو القمر
وسيبو مصر
وشوفو فين هتلاقو ضى
يا أمة العرب الحزينه
مين اللى غرق السفينة
مين اللى دمر حلمنا
دا الحلم عربى إزاى عرب
حطونا فى الصوره المهينه؟!
قادرين ومن غير الكلام
حقنا يرجع أوام
والفرق واضح يا بشر
مابين الضعف والإحترام
سامحونى.. دا قلبى الحزين
مهما تفوت عليه سنين
إزاة هينسى إن أخويا
المسلم العربى القريب
قال عليا إنى أنا
بالنسبه ليه كالمعتدين
وأنا كل الحكايه
وبكل اعتزاز
ما قولتش أى حاجه
غير إنى ابن مصر
فكسرو عليا القزاز
مبروك على الصيهونى
مبروك على اللى خانونى
جرحونى وسبونى
لكن سابولى هدية
خلو كل مصرى يحس بالوطنية
يحس بالوطنية
مشاركة
اضف تعليقاً واقرأ تعليقات القراء
مشاركة
