الشاعر أيمن يحيى يكتب.. فى رثاء الدكتور مصطفى محمود

الخميس، 05 نوفمبر 2009 11:57 ص

أستاذ وعلمنا كتير بحكمته
وان غاب بجسمه لسه باقية كلمته
عاش والكرامة نور بيضوى فى دنيته
وبنور إيمانه خد كتير فى سكته
كبار صغار كانوا تملّى بيسمعوه
غنى وفقير من سحره كانوا بيعشقوه
حبه لعمل الخير طريقه لجنته
من فينا ينسى اى كلمه قولتها
اجمل معانى الخير ما بينّا سيبتها
كل القلوب اتجمعت فى محبته
العلم والايمان شعاع نورنّا بيه
ببساطته الكلمه قدرنا نحس بيه
كل العقول اتعلمت من كلمته
فارس وعمر حماسه مره ما اختفي
وجوّه قلوبنا ليه جبال حب ووفا
واحشنا والله يا دكتور مصطفى