قطر وقطر فى مرة اتقابلوا
واحد فيهم قال للتاني
قالّوا تعبت
أصلى بقالى سنين ع الخط
رايح جاي
ولا فى صيانة ولا فى أمانة
ولا فى حاجة بجد تفرح
نفسى اريّح
نفسى يقولوا كفاية عليك
نفسى يحسوا بألمى شوية
نفسى يخفّوا الشغل علية
نفسى يجيبوا حد بدالى
دا أنا من يجى 20 عاما
وأنا شغال
ياما نقلت كبار وعيال
كدة فى سكات
آخر حادثة فى العياط
كنت بصرخ
كنت باصّفر وباقول تووووت
حسوا يا ناس
ياما كتير فى ناس بتموت
ياما ارواح بتضيع فى ثوانى
بس كانى بكلم نفسى
قولت خلااااص
كده بكفاية
هاستناكوا الحادثة الجاية
حادثه تفوت
بس كتير فى ناس بتموت
مشاركة
اضف تعليقاً واقرأ تعليقات القراء
مشاركة
