حفل توقيع وندوة "كتاب مالوش اسم" بالساقية

تعقد ساقية عبد المنعم الصاوى، يوم الاثنين الموافق 7 من ديسمبر المقبل، حفل توقيع وندوة لــ"كتاب مالوش اسم" للكاتب "أحمد العسيلى"، والصادر عن دار الشروق، والذى صدر منه إلى الآن أربع طبعات.
يدير الندوة الكاتب الكبير "بلال فضل"، وذلك فى تمام الساعة الثامنة مساءً بقاعة الحكمة، بحضور الفنان "وجيه عزيز" وعدد من المثقفين والمبدعين.

ومن أجواء الكتاب:
وأنا صغير كان فيه حلم يقظة بيجيلى كتير جدًا، قال خير اللهم اجعله خير، طالع أنا فى التليفزيون بقول نظريات وأفكار ورأيى فى كل حاجة فى الدنيا والمذيعة الحلوة منبهرة جدًا بكل كلمة بقولها، وقاعد أنا بقه منجعص بثقة فى الكرسى بتاعى ومكتوب تحت صورتى بالبنط العريض "المفكر الكبير: أحمد العسيلى" حلم غريب جدًا طبعًا، هى دى شغلانة يحلم بيها طفل دى؟ المفكر الكبير؟!
بس الحمد لله... جزء من النبوءة تحقق... بطلع فى التليفزيون وفى الراديو وبكتب مقالات وكمان بكتب كتاب أهه.. بس الأهم، لأنه السبب فى كل ده .. إنى على طول بفكر.. بفكر .. بفكر.