أحمد رشدى محمد يكتب: كوابيس مواطن غلبان (المرة دى كنت هروح فيها)

مرة والله حلمت حلم غريب، كأننى ماشى على كورنيش النيل كأنى رايح على مبنى الإذاعة والتلفزيون وفجأة كان هيخبطنى مينى باص من بتوع هيئة النقل العام، المهم زعقت للسواق وخلى بالك وبعدين قلت ما أركب معاه يقرب لى المسافة شوية، المهم ركبت ومش أسكت، لأ قعدت بقى أكلم السواق وأقوله عيب كده ابقى خلى بالك وعملت فيها عنترة بن شداد واللى شجعنى إنه السواق ساكت وأنا ما كُنتش شوفت وشه، المهم بص لى وياريته ما بص لى شفت واحد لابس نضارة مضغوطة، وشكلة مش مُسجل خطر، ده الخطر نفسة وقال لى، وحياة أمك لما نوصل الموقف لأوريك و الله صحيت من النوم ، أقول الحمد لله إنى ما كملتش للموقف.. تخيلوا بقى لو كملت للموقف.

مذيع بإحدى القنوات الفضائية