فيسبوك
واتساب
الإنــس خـــــــاوى الجن خلاه معـــــــلم
من كتر ما علمه مع روحـــــه يتكـــــــلم
يا إخوانا مين فهـــــمه ومين عـــــــــــلم
سألــــت ياما كتير وتعـــــبت أتكـــــــــلم
ده الجــــــن لو شاف الإنس بيســـــــــلم
ويستعـــــــــيذ بالله من شره يتــــــــــألم
.
طـــــب نبتدى منين الحكايه ونقول كـــــلام
ده الإنس من بدئ كونــه رافــــض ســــلام
سرقــــه وجرايـــــم والأكاده قتلوا الحمـــام
أنا قصدى طبـــــعا ...حمام السلام
طـــب كل ده والجن برده هو الى بيهمهم ؟؟
.
خلينـــــــا كـــــده نقرا التاريخ ونشوف عــبر
ده الإنـــــس من فجــــرهم طلـــعوا القـــــــمر
ما الأرض من شـــــرهم ضجـــــت خــلاص
وإن كنا لسه عليها ... ربك ستر
وإن كان فى ناس جواها خير اهو كله بيلملم
.
وعايزنى بعد الكــلام ده اطاطى واســـــــلم
دى الحرب الى جــايه اكيد مع إنسى ومعلم
مبقـــــاش يا جنى الخوف مـــنك ... لأ عليك
الخوف خلاص بقى من بشر سلامـها بيعلم
