أنا بنت ايزيس وعزيزة وبهية
وأنا هَاجَرْ .. أُم الأمة العربية
تقبلي أُمِك تخدم عندِك
وتقولك .. خدامتِك مصرية !؟
شملولة وبعمل تبر من الطين
صاحبة همة وصابرة سنين
واسألي عنى صلاح الدين
دا أنا ولادي جنود حطين
ترضي بنفسك تهزمي نصرك
وأقولِك .. خَدامتِك مصرية !؟
أنا ست وساعة الجد بمليون راجل
إن هُنت تهون الأمة وتطفى مشاعل
أنا زينب أم هاشم
وانا مارية القبطية
ينفع أقولِك .. خدامتِك مصرية !؟
أنا حافظة طه وياسين
وبقلبي حضن الحسين
ووصية آخر الأنبية
تقبلي اقولِك .. خدامتك مصرية !؟
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة