آلاء نبيل إبراهيم تكتب: جنانى دا عين العقل

جنانى دا عين العقل
عقلى دا كان من قبل

عاقل حبتين لحد ما اتجن
و لما اتجن شاف العقل

جنان المجانين وجنان العاقلين
ولقى إن بنهم مفيش أى فرق

دا عاقل للحد ما وصل للفسلفه
و دا مجنونه عشان الفسلفه

سكك كلها مفتحه على بعضها
ماحدش عارف حاجه ماهى دنيا متلخبطه

فى عز البرد تحب الصيف
وعز الصيف تشتاق للبرد ..

طب بالذمه دا مش يبقى جنان
التناقض دا بيعشقه الانسان

ليه الإنسان دايما محتار ..
بين قرارين وواقف يختار

ولو فايده يختار الاختيارين
كان اختارهم عشان ندمان فى الحالتين

دنيا كلها جنان فى جنان ,, فين العقل يا ناس ؟
ما هو العقل هو اللى جاب الجنان

عمل العقل الجنان .. اتجن الجنان وقال للعقل هفضل نفيضك
ما انت اللى جبتنى من الأول .. كنت فاكرنى هبقى قريتنك ..

استحمل بقى وكدا عيش
ماهو كدا مفيش وكدا مفيش

عرفتوا ليه جنانى دا عين العقل .. ؟