انتهى شعبان عبد الرحيم من تسجيل أغنية جديدة للتوعية بأخطار أنفلوانزا الخنازير بين طلبة المدارس، ويوجه فيها مجموعة من النصائح المتعلقة بطرق الوقاية من المرض بطريقة بسيطة.
وقال إسلام خليل، مؤلف الأغنية، إنه انتهى مع "شعبولا" من التسجيل فجر أمس الأول، مشيرا إلى أن الأغنية إهداء منهم لوزارة التربية والتعليم لتوعية الطلبة بمخاطر المرض، والوقاية منه بطريقة بسيطة.
واقترح خليل على "التعليم" توزيع الأغنية على طلبة المدارس، بعد طبعها على اسطوانات "سى دى" مؤكدا تنازلهم عن كافة الحقوق الخاصة بطباعة وتوزيع الأغنية لصالح وزارة التربية والتعليم.
كلمات الأغنية
فى فيروسات لئيمة، وبتكبر ف الشتا
لو فى عادات سليمة، نشوفها ميتة
الأنفلونزا فيروس، ف البرد بيتنشر
ولو مفيش نضافة، ف الجسم بيتحشر
نضف إيدك كويس، واغسلها باستمرار
بالوعى والنضافة، هنمنع الانتشار
عطست اعطس ف كمك، إذا كانش معاك منديل
ولا إيدك تلمس كمك، ولا عطسة ف وش زميل
محناش عايزين مناظر، وف كل حاجة إهمال
يا كل مدير وناظر، خدوا بالكو م العيال
التعليم والصحة، قالولنا وحذروا
خدوا بالكم من كلامهم، دول مش بيهزروا.
