يجدد المطرب شعبان عبد الرحيم كرهه لإسرائيل، ويستعد لتسويق أغنيته الجديدة عن اليونسكو وإسرائيل وفاروق حسنى.
تناولت كلمات إسلام خليل فى الأغنية دور الموساد الإسرائيلى فى حشد أكبر تكتل ضد المرشح المصرى فاروق حسنى، وانتهى بخروجه من الجولة الأخيرة.
طلعنا من اليونسكو بحركة م الموساد .. يا عم فاروق يا حسنى أدينا بنستفاد
دى عالم مفترية انشالة يعدموا .. ومتزعلش نفسك دا عليك هيندموا
وزير ولك مقامك وغالى عندنا .. وبنستفيد بعلمك وبفنك كلنا
الناس كلها مخنوقة والكل كان معاك .. وبجد ياعم روقه هنا أحسن من هناك
المنصب اللى خسرك وبلادهم خسرتك .. دا ميستاهلوش ذكائك ولا حتى خبرتك
فنان ووزير ورائد بالريشة والقلم .. وكمان إنسان وقائد وطول عمرك علم
لو علموا ميت تحالف واتكاتفوا وسقطوك .. دايما ف قلوبنا ناجح وف مصر بيعشقوك
دى تمثيلية صريحة ومثلوها سوا .. والعالم شاف فضيحة وطلعت ع الهوا
دى ناس منا محروقة وعقولهم تعبانين .. فاروق ياعم روقا برضوا إحنا المصريين
أصل الرياح لا تأتى بكل شئ جميل .. عرفتوا ليه دلوقتى - أنا بكره إسرائيل.
