أهالى "خير الله" يتظاهرون أمام محافظة القاهرة

تظاهر ظهر اليوم السبت عدد من سيدات عزبة خير الله، أمام محافظة القاهرة لمقابلة د.عبد العظيم وزير محافظ القاهرة، لوضع حل لأزمتهم مع حى مصر القديمة الذى أزال منازلهم منذ عدة أيام وتركهم فى الشارع دون مأوى، لكن أمن محافظة القاهرة طلب منهم الحضور غدا لأن اليوم إجازة للعاملين بالمحافظة ولا يوجد أحد لمقابلتهم، لكن هذا الكلام لم يعجبهم ولم يصدقوه تماما، فقاموا بسب أمن المحافظة وهجموا جميعا للدخول، لكن الأمن استطاع أن يغلق الأبواب، وابتعد عنهم وتركهم حتى لا يتطور الأمر.

تقول إحدى السيدات المتضررات"بنام فى الشارع والله العظيم وجئنا النهاردة للدكتور وزير، علشان ينصفنا من ظلم رئيس حى مصر القديمة إلا هدم بيوتنا، وشردنا بأولادنا فى الشارع مبقاش لينا مأوى ولادنا سنهم صغير ميقدروش يتحملوا البهدلة".

الحاجة فوزية قالت وهى منهارة ومتكأة على عصاها "أنا مريضة ومليش غير ربنا، تم طلاقى من سنة وكنت عايشه أنا وأولادى فى الشقة إلا أن تم هدمها، ودلوقتى إحنا فى الشارع بناتى سنهم كبير وخايفة عليهم من النوم فى الشارع، حسبنا الله ونعم الوكيل فى الظالمين".

جاءت تصرخ وتبكى وتقول "أروح فين زوجى مريض بالصرع وعايشة بيه فى الشارع، بعد ما الأمن المركزى، دخل علينا وطردنا من بيتنا وكمان رمى لنا كل حاجتنا فى الشارع، وهدم بيتنا وأنا معايا طفل صغير وقع على الطوب بتاع البيت وهو مهدوم واتفتحت راسه، حرام إللى بيحصل لنا ده، نروح فين ملناش حد ولا مكان نعيش فيه".

الجدير بالذكر أن حى مصر القديمة قام منذ عدة أيام بالقوة الجبرية بإزالة 33 منزلا من عزبة خير الله التابعة له، ولم يوفر سكن سوى لعدد 13 أسرة بمدينة 6 أكتوبر وترك 20 أسرة فى مهب الريح.

حى مصر القديمة يرفض تسلم تظلمات عزبة خير الله