ياناس.. ياناس ياهوه ماتصحوا هاتناموا لحد إمتى.. ناس ع الرصيف نايمة وحكومة على وش الفتة عايمة.. واحنا لا احنا هنا.. كنا زمان بنهتف.. الموت الزؤام.. دلوقتى خلاص بنحلف هانعيش فى الاستسلام.. بقى هية دى بلدنا.. واحنا.. إحنا ماكناش كدة رايحين لفين قولولى.. وبكرة ده شكله ايه.. وهانعيشه طب إزاى وليه.. لازم نلحق نفكر.. لأ نفكر إيه.. لا نلحق نتحرك ونتحرك بسرعة.. وبسرعة.. وبسرعة أوى كمان.. كلنا قاعدين نتفرج وكبيرنا نقول فى كلام.. ولا حد فينا بيتحرك.. بالذمة ده اسمه كلام.. طب قولوا وقولوا كمان وكمان وكمان.. وهاتقولوا لحد إمتى ولا هانقضيها كلام أتوبيس مليان على آخره فى شارع مابقاش فيه مكان.. ومدارس للجهل اتفتحوا والعلم مابقاش له مكان.. ولاكمان ده كان زمان.. حتى المستشفى تروحها ياتموت ياتخرج عيان.. والفيروسات مالتنا خنازير وسى وايه كمان.. بالذمة ده اسمه كلام.. من هرم وحضارة عريقة لزبالة فى كل مكان.. برة هايموتوا يعرفوا ازاى حنطنا زمان.. وهنا كل اللى شاغلنا.. دى فلانة بتحب فلان.. بالذمة ده اسمه كلام.
