هانى صابر يكتب: الهرم وقع

لا أعرف من أين أبدأ بجد فالمصائب كثيرة جدا، وكائن هذه المصائب أصبحت جزءا من حياتنا اليومية، فاليوم إلى منصحاش على نصيبة يبقى يوم نحس، وبجد أنا عايز أعرف إيه السبب، إيه اللى خلى مياه الصرف الصحى تدخل على مياه الشرب؟

ولا العشوائيات إلى كل يوم نفضح نفسنا فى الفضائيات بيها، وكل مذيع جديد يطلع يروح يصور فى المناطق العشوائية، يا ترى بيفرجوها لمين محنا شايفنها وشمنها وعايشنها ولا بيوريها لحد فى بلاد بره، يمكن حد يحن علينا ويجى يشلها علشان إحنا مكسحين.

ولا البلطجة اللى زادت عن حدها، لدرجة إنى فكرت اشترى {نبوت} علشان، أعرف أتعامل مع فتوات المنطقة، بجد إحنا مستوانا انحط وفى ناس هدفها تخلينا معدناش زوق بعد مكنا بلد الكرم والزوق مع احترامى لكل الناس إحنا مالنا ومال موضوع شوبير ومرتضى بينهم مشاكل يحلوها مالنا، ومال ممثل أتجوز ولا ممثلة اطلقت ولا اتمسكت مش عارف فين، وإحنا مالنا الناس الكويسين دول نزعلهم ليه دول بعد كده هيبقو نجوم المجتمع وسفراء النوايا الحسنة يعنى على الناس الغلابة، هو مينفعش واحد غلبان يبقى سفير للنوايا الحسنة، مع إن ده هيبقى خير سفير ولا موضوع الفنونذا الخنازير ولا القطار إلى دخل فخوة من زهقه طبعا مش غلطة حد أعوز باله ده قضاء وقدر ولا متش الأهلى والجزائر اللى هيعمل فتنة بين بلدين ولا إيه ولا إيه، حرام عليكو بلاش ننشر غسيلنا إلى مش نضيف، وكفاية فضايح وللحديث بقية.