محمد يوسف - وكيل تأمين
الشعار ده عبارة عن عامل جذب وبروباجندا للحزب الوطنى، لأن على أرض الواقع مفيش أسباب لجملة «من أجلك أنت» ولسه ما شفناش منها حاجة، بس ياريت تتحقق.
محمد عبدالعظيم - محاسب
المفروض إن عبارة «من أجلك أنت» تكون موجهة للمواطن فى كل مجالات الحياه زى التعليم والصحة لأن على أرض الواقع مفيش حاجة زى دى، وأنا بتمنى إن الشعار ده يتنفذ.
نور محمد - محاسب
فى الواقع أنا معنديش أى خلفية عن الشعار، لكن أهم حاجة هى مصداقية «من أجلك أنت»، يعنى طالما الشعار تحقق على أرض الواقع تبقى حاجة كويسة.
نبيل نجيب عطية - محاسب
أنا أصلاً عضو فى الحزب الوطنى، لكن دى أول مرة أسمع فيها عن الشعار الجديد، وعموما الحزب الوطنى معروف بأعماله ونشاطاته فى البلد من غير شعارات، وهو أحسن حزب فى مصر، وأنا لو لم أكن وطنياً لوددت أن أكون حزبا وطنيا.
تم أضافة تعليقك سوف يظهر بعد المراجعة