توت توت توت توت
إللى يفكر هنا هيموت
وإللى يسنكر عقله يفوت
قالوا جاموسة تبقى جاموسة
صدق حتى إن قالوا ناموسة
واضرب عقلك بالنبوت
توت توت توت توت
قطر ف قطر وراح مخبوط
مين كان فيهم مش مظبوط؟!
ولا السكه ولا الخط؟!
ولا جاموسة من عيلة الخُط؟!
ولا ضميرنا النايم نوم
وإللى مقرب كدا ع الموت؟!
توت توت توت توت
وش بهية مش مبسوط
وإيه يبسط يا بهية قوليلى؟!
محنا بقالنا سنيين بنموت
فى نفس الحتة من سنوات
قطر وقطر وناس أموات
وبردو كلام كله افتكاسات
بيقولوا سببها السيما فورات
توت توت توت تات
ربنا يستر م القوطرات
إللى تعدى على العياط
قوم يا وزير النقل اتحرك
وانقذ أهلك شعبك وطنك
لسه ناس كتير مماتوش
لكن ممكن يبقوا أموات
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة