يللا بإيدنا نبنى بلادنا
بالعلم نعلى ولادنا
بالورد نرسم أحلامنا
وبالنور راح نملا عالمنا
بقلوبنا نتحدى الكون
وبإصرارنا نكون ونكون
ليه معندكش خلاص أحلام؟؟
ليه بتقولى حياتى آلام؟
طول عمرنا أسياد الدنيا
ما انتصروا علينا ولا ثانية
يللا بإيدك خلى سلاحك
إيمانك، عملك وكفاحك
واجنى بصبرك جبروت
لا بينهد ولا بيموت
فى إيدك ربك إدالك قوة
تعبده وتسجد له هو
فى صلاتك تلقى حياتك
وفى عملك تنسى آهاتك
وفى كسلك راح تلقى مماتك
ارفع إيدك قول هنعيش
حب وسلم وغدر مفيش
من انهاردة عالم تانى
شايفه بيتغير قدامى
مش هضيع لو حتى ثوانى
ده أنا ياما ضيعت كتير
والوقتى جه وقت التفكير
مش هيأثر فينا ولا ظالم
ده احنا فى مصر أساس الأرض
بإيدنا هنشجع بعض
نكبر وهنبقى منارة
للعالم رمز الحضارة
لو كل واحد عمل إللى عليه
بقلبه وعقله وكمان بإديه
يللا بإيدنا نبنى بلادنا
بالعلم نعلى ولادنا
بقلوبنا نتحدى الكون
وبإصرارنا هنكون ونكون
بالورد نرسم أحلامنا
وبالنور راح نملا عالمنا
عالم مفهوش أعذار
عالم مليان إصرار
كلنا فيه أخيار
كل منانا نبنى وطنا
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة