لو محتاج قلب يضمك
حد وظيفته يحمل همك
مش شرط دمه من دمك
اختار واحدة تحب كفاية
أما إن كنت غاوى جمال
عاوز رمش وجسم غزال
زى كتاب الست ما قال
اختار واحدة غاوية مراية
أما لوانت غاوى ذكاء
أصل الحب يا ناس أذواق
مخها آله حاسبة وأوراق
اختار واحدة غاوية قراية
لو نفسك فى الكل كليلة
وصف يشيل كل الليلة
أنا قدامك عايشة ذليلة
ولا عينيك مش شايفة بكايا
أنا زوجتك سترك وغطاك
على الحلوة والمرة معاك
التانية هتاخد اللى معاك
وترميك فى محطتها الجاية
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة