ما عاد فى الدنيا أمان
بتخون وتغدر يا زمان
وفى لحظة بتضيع أحلامنا
وأيامنا وأروحنا كمان
هدى السرعة شويه يا عم
مستعجل على الأذى والغم
ياما حوادث حصلت ياما
وانسال على أرضنا الدم
شوف كام راجل راح وكام ست
علشان عامل فيها الفت
ماشى عكس طريقك حاسب
سبنى اربى الواد والبنت
سوق ماشى بأدب وبفن
بطل حركات من اللى تجن
إوعى تجرى فى ملفات
وهدى الراديو كفاية زن
مش بقانون ولا بإشارات
ولا حتى مراقبة ورادارات
من جوانا لازم نتغير
ونبطل لف وحركات
مشاركة
اضف تعليقاً واقرأ تعليقات القراء
مشاركة
