عمر مرسى يكتب:الحمار المسكين

صابر يا حمار..يا حمار صـابر صابر ع الغلب وبتكــــــــــــــــابر
مهما تنّهّق ولا ترفـــــــــــس ولا تزرّجن ولا تعّمفــــــــــــــص
الناس واخدين عنك صـــوره معروفه ف مصر المعمــــــــورة
إن إنت حمار مبتفهمشــــــي تاكل برسيم بس وتمشــــــــــــى
مش لازم تتعب وتريــــــــــح وإن مرة تعبت أوع تصيــــــــــح
وإن شفت ف يوم مّرة حماره مكسوفة ومنك تتــــــــــــــــدارى
وفضلت تنهق قدامهــــــــــــا وتقّرفص وتبوس أقدامــــــــــها
حاتلاقي الكرباج يتكلـــــــــــم والضرب ف جسمك حايعـــــــــلم
حتى البرسيم اللى بتاكلـــــــه حاينّسولك لونه وشكلــــــــــــــه
ياللا اتحرك واعمل منظــــــر اجرى وبرطع.. برّق..خنــــــــزر
اقلب وشك متنهقشــــــــــــى وارفع راسك وإنت بتمشــــــــــى
خليك معووج زى الباشـــــــا خّليهم بين الكماشـــــــــــــــــــــة
وارفُص أى زبالة برجلــــــك واتفاخر واتباهى بعنــــــــــــــدك
دانت حمار م النوع النـــــادر حاتعيش عمرك دايماً صــــــــابر