يا أم الواد إللى أصبح شهيد
طوق الورد دا هدية من الشعب ليكِ
يا أم الواد إللى أصبح شهيد
لا تندمى ولا تدمعى دمعه بعنيكِ
أحضنى الورد وملى عنيكِ منه
ابنك سقى الورد بدموعه ودمه
ودى صورة ابنك فوق طوق الورد فرحانة
زى طيور السلام ع الجنة سبقانة
ليه ترفعى التراب على وجهك
وأنتِ تاج العروبة فوق رأسك
اسجدى ركعة شكر لربك
ابنك فدى أهله ورفع رأسك
ابنك استشهد من أجل فرحتك
وعامل فى الجنة عرسه ودخلته
اضحكى وسمعى الشهيد ضحكتك
بلاش دمعك يبقى فى العرس محنته
ابنك بطل وكمان إنسان
كان وقف ضد أسطول غيلان
كان قاصد يحقق لينا الأمان
واستشهد وفات فى قلوبنا ألف مكان
ابنك كان سلاحه حبة حجارة
وقلب جرىء من طعم المرارة
وواجه بكل قوة وجسارة
ومات رافع شعار الكرامة
ابنك كان مؤمن بربه ودينه
وحارب عشان أرضه وعرضه
وضحى بعمره وكل سنينه
عشان يرفع علم وطنه
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة