الشمس مسيرها تيجى
يا بلدى تنورك
ممكن تتوه الخطوة بينا
والمرسى تبعد عن عنينا
ولما ضاعت منا سينا قدرنا تانى نعوضك
هافكّرك
الشمس ممكن يوم تغيب
والقطة تتحول لديب
لكن لجرحك فى طبيب
يعيد حلاوة منظرك
متصدقيش أنك تهونى
ومهما حاولوا يبعدونى
صورتك ياغالية فى عيونى
بأدّيا ديه هاحررك
هافكّرك
ساعات بيزودوا عليه قسوتك
لكن يابلدنا عارفك
فى الطين حنيتك
مغروسة من زمان
معجونة بالحنان
الهكسوس جم غزوك
ومعاهم الرومان
ويهود والإنجليز
ولا حاجه تغيرك
والله هافكّرك
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة