فيسبوك
واتساب
آه يا أقصى وألف آه
آه يا حلم فارد جناحه
آه يا صوت راسم صداه
فى قلوب الحيرانين
آه يا أقصى وألف آه
مستنى مين
مستنى مين ينصرك
مستنى فرسان الكلام
ولا مستنى الشعوب
دا الشعوب
مصلوبة على كف الشقا
والفقر شارب دمها
والحروب
دا الشعوب
بتحلم تجيلك لكنها
محاصرة فى كل الدروب
مستنى مين
وحدك يا أقصى فى الميدان
شاهر حسامك بالإيمان
وحدك يا أقصى راح تعيش
مادام مفيش ... فى الأرض صوت للصدق
مادام مفيش.....للحقوق عنوان
وحدك يا أقصى فى الميدان
