فيسبوك
واتساب
عادل فخرى - مهندس
لما يزودوا المرتبات يبقى يزودوا قيمة الاشتراكات للتأمين الصحى، خاصة وأن ده آخر حاجة للفقراء علشان يحصلوا على علاج رخيص، ولا هى عاوزاهم يتذلوا لها على طول نتيجة سلوكها العشوائى فى التفكير.
سالى هلال - طالبة بكلية التجارة
ده.. حرام عليهم بدل ما يدعموا التأمين لملايين المرضى اللى ملأوا المستشفيات، بدل ما يأتوا مع الغلبان بييجوا عليهم ويرفعوا الاشتراكات علشان يحصلوا شوية فلوس زيادة، دى آخر حاجة شفتها.
محمد أحمد كمال - محاسب
أه... يا بلد اللى المريض والفقير يدفع فيك دم قبله علشان يأخذ قرص أو حقنة علاج، طيب لما هم عوزين كده ليه معملوش تأمين خاص للأغنياء اللى قادرين يدفعوا ولا هما مش قدرين إلا على الغلبان.
محمد عبد المنعم - موظف
زيادة تانى على المواطن علشان يعالجوه، مش كفاية الغلاء فى المعيشة والمدارس، ده كده بيموتونا بالبطىء وبيكسروا وسطنا، دهما يعطونا مرتباتنا بالشمال وياخدوها رغم أنفنا باليمين.
