فيسبوك
واتساب
لما بشوف مدنا المساجد
وأما أسمع صوت الأذان
ولا أشوف طفل ساجد
فى مسجد أو فى أى مكان
دموعى بتزل غصب عنى
وأدعى وقول يا رب أكرمنى
وبحق صوت الأذان
ثبتنى ع الإسلام
***************
أجمل صورة فى الحياة
طفل ساجد على التراب
ينادى ربه ويترجاه
ارحمنى يا رب من العذاب
صورة هزت كيانى كله
خلتنى أشيل الطفل وقوله
ادعيلى أنا حاسس منك
الدعوة راح تستجاب
**************
أنت يا أب وأنتى يا أم
علموا دايماً الأطفال
أن محمد و الإسلام
هما أهم ما ف المشوار
وإن الدنيا بجد جميلة
لكن الجنة أحله وأحله
وإن العمر ساعاته قليلة
وما فيش خلد غير ف الآخرة
***************
واحدة فى مسجد لبسه حجاب
وواحدة ترقص ديسكو وراب
وهى الدنيا بشر ودياب
لكن الآخرة فيها كتاب
فيه الركعة وفيه الرقصة
وفيه متحدد لينا حساب
ما فهش مزايدة ما فهش منقصه
ما فهش وساطة ولا حُساب
***************
عدل كتابك قبل موتك
الدنيا فرصة تعديل
فى الآخرة لا ها تسمع صوتك
ولا غيرك عنك ها يشيل
أدعى أن الفرصة ما تفوتك
وأسجد فى الليل الطويل
أدعى بقلبك بصمتك بصوتك
الحمل ما يكنش تقيل
