فيسبوك
واتساب
حيوا معايا مصر بحالهــــــــا ستة أكتوبر يوم أبطالهــــــا
كسروا الحاجز نسفوا الساتر رفعوا علمها وعبروا قنالهـا
حيوا معايا مصر بحالها
حيوا النسر المصرى البـــــار هب وطار على كل مطـــــار
دمر أوكــــــار الأشــــــــــرار نال إعجاب الدنيا بحالهـــــا
حيوا معايا مصر بحالها
سال الدم وزال الهــــــــــــــم خدنا بتار الخال والـــــــــعم
رجعنا تراب مصر الغالــــــى قدمنا النصر لأجيالهــــــــــا
حيوا معايا مصر بحالها
باركوا لكــــــــــل المصريين وادعوا لمصر وقولوا آمين
ينصرها ويهزم أعاديهـــــــا وترفرف دايما أعلامهـــــــا
