يا رب نور لى طريقى
يا رب اهدى لى نفسى
ما هو أنت يا ربى صديقى
و أقرب ليا من نفسى
يا رب سامح أعدائى
يا رب وفقهم للخير
و تستجيب لى فى دعائى
وقدرنى أساعد الغير
يا رب أملا قلبى بنور
محبة وود واطمئنان
يا رب خللى قلبى جسور
بفضل و نعمة الإيمان
يا رب دايماً خلينى
أحب الكل وأساعدهم
يا ربى حبيبى إهديني
و قدرنى أساندهم
يا رب إملا الدنيا سلام
و خللينا صحاب و أحباب
دى نعمة كبيرة أوى يا سلام
و من غيرها حياتنا عذاب
يا رب و النبى علمنا
ازاى نحب كل الناس
مش بس اللى من ديننا
كل البشر كل الأجناس
يا رب صفى قلوبنا بجد
يا رب حقق أحلامنا
بنوعدك هنصون العهد
و كلامك نور لأيامنا
يا رب نور لى طريقى
يا رب إهدى لى نفسى
ما هو أنت يا ربى صديقى
و أقرب ليا من نفسى
مشاركة
اضف تعليقاً واقرأ تعليقات القراء
مشاركة
