مليون شهيد

من وقت واحنا صغيرين
باحلم أكون فارس نبيل
باحلم أشد المركبة
وابعد بعيد
عن أى مخلوق
فى الوجود
رغم الحدود والأمكنة
لسه القيود متمكنة
ولا احنا لسه
صغيرين
من وقت واحنا صغيرين
مليون شهيد بيشتكى
مليون رضيع بيرتوى
من دم أم بتنكوى
غل وأنين
لساك يا بكرة ما نكتبت
ولا انكتبت
شىء ما عرفوش
لكن فى يوم لو انكتبت
وعاك تهون
أوعاك تنام وتقول حمام
طاير على أرض الضحايا
الغلبانين

من وقت واحنا صغيرين
شايف فرس أبيض
ملالى سيفوا طايح فى العدا
لجل السلام ما يسود
أكيد
وأزاى يسود
والسبحة عقد وانقطع
واتبحترت
ما بين كفوف منتنين
يمكن تعود فينا الورود
وتضمد الألم الدفين
نرجع صبايا فرحانين
زى العيال صغيرين
صغيرين صغيرين