رغم فقرى برضه بحب

الأحد، 17 فبراير 2008 06:41 م

كتب: محمود المملوك / تصوير: عمرو دياب

لما تخرج من محطة قطار الجيزة مش ممكن تقاوم سحر القلوب الحمراء قدامك.. لازم تقف وتشترى، مش مهم انت مين.. ولا بتقبض كام.. أو بتشتغل إيه.. أو المحل اللى هاتشترى منه فين.. الفالنتين " الاسم السحرى للمحبين". طب والسؤال، منين الناس تجيب فلوس القلوب والحالة ضنك واللى جاى حتى مش مكمل اللى رايح؟ فجأة هتلاقى نفسك بتتصرف من أي حتة. المهم تنبسط وتبسط الناس اللى حواليك، على الأقل يوم واحد فى السنة!