غزة مُــحـــــاصــــــــــــرة واتسرقت بغداد والبصـــرة
واحنا ياحسرة بناكل نشرب اللى بيضحك واللى بيلعــــب
واللى لجوة ضميره بيهرب مش حاسيين بالعار والكسرة
سيــبــنــاهم يستــفـردوا بيـنا واحـــــد واحــــد بـــيـصــفــونــــــا
بكرة الدور راح ييجى علينـا طول م الجـــبــن داخــلـــنا استـشرى
إمتى حنخرج من مخابئنا وحنـبـتـر إيد اللى خانقنا
وحنتحرر من مشـانـقـنــا ولأوطاننا نجيب النصرة
هوَّ الشعب محدش غيره هوََّ الأمل الباقى ضميره
وف إيده دفته ومصـيـره قد المحنة وفوق العسرة
ياللا ياشعب ياحر اتولى هل هلال الثورة اتجلى
شمََّر ياللا وقول بسم الله حرر أوطانك م الكفرة
شِد حزام الفدا على خصرك حل قيودك واطلق أسرك
هات بإيدينك نجمة نصـرك واجبر أنفسنا المنـكســـرة
غزة محاصــــــــــــــــــــرة واتسرقت بغداد والبصـرة
تم أضافة تعليقك سوف يظهر بعد المراجعة