المطرب الشعبى شعبان يمر حاليا بحالة صحية ونفسية سيئة، عقب خروجه من المستشفى، دفعته إلى إغلاق هاتفه المحمول رافضا مقابلة أى شخص ماعدا صديقه الشاعر إسلام خليل، وذلك بعد «شماتة» بعض الناس فيه، حسبما قال ابنه عصام، الذى أكد أن والده لا يتعاطى الحشيش مطلقا، وأنهم فوجئوا بهذا الاتهام الذى وجه له من قبل الشرطة.
ونظرا لهذه الحالة قام الشاعر إسلام خليل بتأليف أغنية جديدة «لشعبولا» تتعلق بهذا الحديث و«اليوم السابع» تنفرد بكلماتها التى تقول:
خلاص بقيت كويس... وبحمد ربنا
وبشكر كل واحد..... جه لحد عندنا
قالوا خد حتة حشيشة... وقالوا كتير حكايات
والنعمة ما أخذت حاجة... وكل دى إشاعات
أنا لما أغمى عليا.... غبت عن الوعى ساعات
وعلى الإنعاش خدونى.... عملولى إسعافات
ناس قالوا كان مبرشم.... ناس قالوا معاه حشيش
عايزين حبة مصايب.... يتحطوا ع الأفيش
كان عالى عليا السكر... وحاسس بحالة إعياء
ويادوب بركب عربيتى... وحصلى أوام إغماء
لا شربت حشيش ولا غيره... ولا فى اليوم ده إتعشيت
أنا كنت هصلى العيد.. وأدبح قدام البيت
فقالولى فى مين تشك... عشان عايزين دليل
أنا قلت يمكن أوباما... أو حد فى إسرائيل
ده مقلب بس ساقع... من حتة واد عبيط
يا إما مطرب واقع.. عايز يبقاله صيت
تاريخى نضيف مشرف... والكل بيعرفوه
فى ناس حاقدين عليا... عايزين يلوثوه
أنا حب الناس بقالى... ونفعنى فى محنتى
والشعب كله دعالى... وساندنى فى أزمتى
تم أضافة تعليقك سوف يظهر بعد المراجعة