صدر حديثاً ديوان العامية المصرية، "بكرة مش مهم الساعة كام" للشاعر والإعلامى هيثم دبور، عن دار ملامح للنشر.
يشتمل الديوان على ثلاثة أقسام، يتضمن كل منها عدداً من القصائد، ويأتى القسم الأول منها متوائماً فى عناوينه مع لغة الموبايل والحوارات على الإنترنت بكل ما تحمله من اختصارات ورموز، ويأتى القسمان التاليان تحت عنوان "وسط البلد" و"بكرة مش مهم الساعة كام" وهو نفس عنوان الديوان.
كما جاءت قصائد الديوان لتعالج لحظات مختلفة فى حياة الشاعر المنتمى إلى الجيل الغاضب على كل ما هو ثابت وراسخ، بما فى ذلك التعبيرات الشعبية التى تذخر بها العامية المصرية التى أصبحت كلاسيكية بالقياس بالتعبيرات والمفردات المستخدمة بالديوان.
عناوين القصائد بالديون منها ما هو شفاهى ومنها ما هو مكتوب مثل "البقية فى حياته، العساكر، لنضه، مواطن، تييت، حاجات أنا متأكد منها، قطع ووصل، حلموفرنيا (remix)، الموت فى الملف، بكرة مش مهم الساعة كام، حضرت ولم أجدك، خلى الباقى عشانك، أنا ماشى بقى، عايز حاجة".
من أجواء الديوان ومن قصيدة "مواطن"..
قاللى مصر دى تبقى أمك
قلت أنا محتاج رباية
حتى أبقى صحيح راجلها
عودونى ع العصاية
ما الأدب مرهون بحاضر
وبخضوعى للأوامر
عمر أف ما تيجى منى
حتى لو يوم عصبتنى .. راح أغنى
"سلاماتى ..
قبلاتى
احتراماتى ..."
قاللى مصر دى تبقى أمك
قلت أنا محتاج ربايه
تصحى شمس اليوم تشقشق
ألتفت للى ورايا ..
واللى فاتنى .. واللى فاضل تحت رجلى
وإنى أآمن بالمقدر ... والدقون .. وبكل ميرى
وإن قبل ما يجى أجلى
أبقى بستعجل مصيرى
وإن أصدق كل كلمة ف الجرايد
أو أبروز أى صورة لأى قائد
قال هتفرج بعد حبه
قال بهرج .. قال دى كدبه
قال وختم النسر راقد فوق قفايا
قاللى مصر دى تبقى أمك
قلت أنا محتاج رباية
عشان أشب وأصير مواطن
قلبه ساكت
بس مليان بالكتاكت
والحاجات اللى تموت فيه رجولته
لما يشتاق للخميس
والمرار اللى ف نهاره من مواطن
جه يطلع كل كبته فى المواطن
اللى هو فى الأساس الكبت نفسه.
تم أضافة تعليقك سوف يظهر بعد المراجعة