فيسبوك
واتساب
الليل
والصمت مزارع خوف
بيبرطع فيها شيطان
وبيانو شوبان
بيشق سكونى كأنه شرارة أول نار
وأنا أول مخلوق فى الكون
باتعرف ع الزرقة ف بحر بيحدف موجه
فتصدمنى الألوان
واتاخد عريان
للشمس بتخمش أول قشرة
تفتح وعليها مخاط
فتزغلل ف عيون نورس وحدانى
يطير، وبصوصو فرحان
تلاقينى اللى أنا تايه منها وألاقيها
ألوان البحر على عنيها
وخطيئة أول يوم
والصمت ما بيننا جزيرة
بيفجر إبليس فى جبالها براكين العصيان
ويفوتنى شوبان على حد الليل وحدانى
وحدانى وعريان.
لوحة للفنان هنرى ماتيس
