فى مدرسة مودرن سكول الخاصة بعين شمس،تبدأ ولا تنتهى معاناة الطلاب بغرق أرجلهم فى المونة وزيوت الدهان والرمل والطوب، فعلى الرغم من مضى عدة أسابيع على بدء العام الدراسى، فإن أعمال الصيانة بالمدرسة لم تنته بعد.
بقية الصورة القاتمة هناك كالتالى: جميع المقاعد تحتاج إلى صيانة شاملة، فى فصل 4/7، و4/6 السبورات غير صالحة للاستخدام، ومازالت كتابات لجان الامتحانات عليها ولم تمسح هذه الآن، فصول الصفين الثالث والرابع تصل كثافة الطلاب بها إلى 40 و50 طالبا. «هدى. م» 43 سنة أم لطالبتين بالمرحلة الابتدائية: «شايفين البهدلة اللى ولادنا فيها.. أخروا دخول الولاد المدرسة، وبرضه الدهانات لسه شغالة».
«أسماء.م» 40 سنة: «عندى بنتين فى تالتة وسادسة ابتدائى كارهين المدرسة علشان زمايلهم فى المدراس التانية عندهم أنشطة.. وهنا لأ، ده غير أنهم مش بيقعدوا على أجهزة الكمبيوتر مطلقا، والسبب «علشان متبوظش».
وهنا، جاء «أحمد. ع» طالب بالمرحلة الإعدادية يشكو لوالدته: «احنا كلنا بنضرب بالعصاية والجلدة ده غير الشتايم والسب.. أنا بنضرب قدام البنات». حوالى 250 جنيها هى الزيادة فى المصروفات الدراسية لهذا العام، لم تشفع للمدرسة كى تقدم خدمة أفضل لطلابها.
