قال المؤلف أيمن بهجت قمر تعليقا على حصوله على البكالوريوس في السياحة: "كانت حاجة مهمة ومضايقاني وكنت حاسس إن في حاجة ناقصاني".
وأضاف بهجت قمر، خلال مداخلة هاتفية ببرنامج "مساء دي إم سي"، مع الإعلامي رامي رضوان: "والدي توفى وأنا في تالتة إعدادي، ومن أولى ثانوي عيشت لوحدي، وكنت بصرف على نفسي وكان لازم أشتغل، وبقيت آخد السنة في سنتين في المعهد، والتالتة أنجح، ووصلت لسنة رابعة من 20 سنة، وكان عندي 3 مواد، وكنت محافظ على وجودي إني طالب وكنت حريص إنه هتيجي لحظة وأخلص ده كله".
وتابع: "لما اتقدمت لمراتي من 17 سنة وعدت حمايا إني هكمل، وبعتله رسالة لما خلصت امتحانات، وقلت له، أنا نفذت وعدي وخلصت امتحانات"، مردفا: "لما رحت اتفاجئت إنهم 4 مواد مش 3".
وأردف: "كنت بتكلم مع ابني وأقوله ذاكر وكدة، قالي يا بابا أنت مش مخلص، قلت له أنا كان لازم أشتغل وأعتمد على نفسي، وخدت القرار السنادي، وقدمت، قابلت الدكتورة عزة مسعود عميدة المعهد، وكانوا فرحانين إني رجعت، وعندي ولاد وعاوز أكمل، كان الموضوع ظريف ولطيف".
تم أضافة تعليقك سوف يظهر بعد المراجعة