استعاد مهاجم منتخب مصر السابق محمد زيدان، وأحد أفراد الجيل الذهبى المتوج ببطولة أمم أفريقيا أكثر من مرة، ذكرى والده الذى رحل منذ قرابة أسبوع، ونشر زيدان رسالة مؤثرة وجهها إلى روح والده بعد مرور أسبوع على رحيله، وكتب فيها: "عدى أسبوع على فراقك، وأول مره فى حياتي أحس بكسرة ووجع القلب الحقيقي، لحد دلوقتي مش مصدق ولا مستوعب إني مش هشوفك تاني ولا هلمسك تاني ولا حته هسمع صوتك تاني".
زيدان يرثي والده على انستجرام
وأضاف فى رسالته التى نشرها مع صور لوالده، عبر حسابه على موقع "إنستجرام"، "ع إننا في الطبيعي في حياتنا ساعات بيعدي علينا أيام وشهور بنبقى فيها مشغولين اننا نشوف بعض او حته نكلم بعض، وآخر مرة أشوفك فيها يكون عندي كرونا، فا أشوفك فيها من الشباك من غير ما احضنك ولا حته ابوسك ولا أحس بيك، والمرة اللي قبلها اكون فيها مع ولادي في الاجازة بتاعتهم وأنت تيجي علشان تشوفهم آخر مرة وانا أكون ملهي بيهم ومشغول معاهم وما شبعش منك".
زيدان يتابع رثاءه لوالده
وواصل محمد زيدان: "وييجي عيد ميلادك قبل ما تتوفي بأسبوع، ما اعرفش أحتفل بيك، وأقولك أول ما تخف ها نعملك عيد ميلاد عندي في البيت، ومنلحقش حته نعملهولك.. فراقك واجعني قوي. وكسرني قوي، كنت بحب اكلمك واقولك علي كل حاجة حلوه في حياتي وكنت الاقيك عارف بيها قبل ما أقولك عليها".
محمد زيدان مع والده
والد زيدان مع احفاده
استكمل : "عمري ما هنسي في عز أزماتك لما بعت العربيه بتاعتك علشان تسفرني وانا عندي ١٦ سنه علشان أحقق حلمي في الكوره، ربنا يرحمك يا بابا يا حبيبي ويغفرلك ويعفوا عنك، هفضل طول عمري فاكرك وعايش علي ذكراك، ومتقلقش علي ماما أخواتي".
والد زيدان فى صورة اخرى مع الاحفاد
تم أضافة تعليقك سوف يظهر بعد المراجعة