كشفت الإعلامية آية عبد الرحمن، مقدمة برنامج الحقيقة، المذاع على قناة إكسترا نيوز، عن أصعب موقف تتعرض له خلال مهنتها الإعلامية قائلة إنها مرت بالأمس بأصعب موقف من الممكن أن يمر به المذيع طوال حياته المهنية، معلقة: عظة لأى حد ممكن يمر بالموقف ده".
وأضافت آية عبد الرحمن أنها كانت تجرى حوارًا مع أحد الشخصيات وتصور معه جولة فى أحد الأماكن، متابعة: "أول ما بدأنا التسجيل لقيته عمال يعرق وكلامه مش مرتب أوى، وطلبت من زملائى ناخد راحة ونوقف التصوير 5 دقايق، والتمست له العذر، وهو شكرنى على الموقف، وقولتله يوم ما حضرتك تكون مستعد نصور قولى، قالى يلا بينا وكان عنده شغف إننا نصور مع العمال لأنه كان رئيسهم فى العمل، وطلب منى أصور مع العمال وهو معايا".
وتابعت: "بدأنا الحوار سؤال فى الثانى فى الثالث، ووهو بيجاوبنى على أحد الأسئلة وقع على الأرض وتوفى وموقف استغرق أقل من 30 ثانية، وقضاء ربنا نفذ وتوفى، الموقف كان جلل ومهيب ومقدرتش أتلم على أعصابى، ومجتش الشغل امبارح بسبب كده.
واستطرت آية عبد الرحمن: "والله الحياة مش مستاهلة والدنيا متستاهلش كم التكالب والصراعات والخناقات، الدنيا ولا تستاهل فى لحظة الإنسان بيروح ويحصد إللى زرعه فى الدنيا، الموقف كان يقشعر له الأبدان، وربنا سهل عليه حتى طلوع الروح".
