ما حكم تمشيط المرأة لشعرها في حالة الإحرام؟.. واعظة بالأوقاف تجيب

قالت الدكتورة فاطمة عنتر، الواعظة بوزارة الأوقاف، إن من أكثر الأسئلة التي تترد من النساء أثناء الحج والعمرة هو حكم تسريح الشعر في حالة الإحرام، مؤكدة أن الضابط في هذه المسألة هو معرفة المرأة بطبيعة شعرها، وهل يتساقط أثناء التسريح أم لا.

وقالت فى لقاء لها على قناة الناس: "خدي بالك يا ست البنات، بالنسبة لتسريح الشعر، في حالتين مهمين لازم تكوني عارفاهم."

وأضافت: "لو البنت عارفة إن شعرها بيقع كتير وهي بتسرّح، ومتيقنة من ده، فالتسريح في الحالة دي حرام، لأنها عارفة إن شعرها هينزل، وده لا يجوز في الإحرام. أما لو مش متأكدة، أو ما تعرفش إذا كان الشعر ممكن يقع ولا لأ، فهنا بيكون مكروه، لكن مش حرام."

وتابعت: "يعني الضابط في الموضوع هو: هل أنتِ عارفة إن شعرك بيقع لما تسرحيه ولا لأ؟ لو متأكدة إنه بينزل، فبلاش خالص، أما لو ممكن ينزل أو ما ينزلش، فالأَولى تَرك الموضوع ده سدًا للذريعة".